Styre:
| Svein Solheim | leiar | på val i 2025 |
| Aamund Bremer | nestleiar | vald i 2024 |
| Aud Marit Hilleren | sekretær | vald i 2024 |
| Gerd Westby | kasserar | pål val i 2025 |
| Kristoffer Melheim | styremedlem | vald i 2024 |
Varamedlemer til styre:
| Johannes Fredheim Finstad | 1.varamedlem | vald for 1 år |
| Torodd Joranger | 2.varamedlem | vald for 1 år |
| Tordis Skjerdal Rauboti | 3.varamedlem | vald for 1 år |
Flugenemndi:
| Olav Grøteig | leiar | vald 2024 |
| Svein Øygard | vald 2024 | |
| Liv Margrete Eikeberg Moen | på val 2025 | |
| Astrid Heggestad | på val 2025 | |
| Gerd Holen Lomheim | vald 2024 |
Varamedlemmer til Flugenemndi
| Helge Stølen | for 1 år | |
| Sølve Lomheim | for 1 år | |
| Kari Beheim Karlsen | for 1 år |
Bygdeboknemndi:
| Per Jørgen Loen | leiar | ikkje på val |
| Magnar Høyum | ikkje på val | |
| Leif Hammaren | ikkje på val |
Stuaflåtringen:
| Ole Johnny Sie | leiar | på val i 2025 |
| Edin Lingjerde | ikkje på val | |
| Oddmund Sie | på val i 2025 |
Modvanemndi:
| Tor Bremer | leiar | på val i 2025 |
| Odd Øygard | på val i 2025 | |
| Sverre A Norheim | ikkje på val |
Revisorar:
| Jon Sterri | ikkje på val | |
| Jan Arne Finstad | på val i 2025 |
Valnemnd:
| Jon Ove Lomheim |
| Harald Hess |
| Eirik Hoem |
Æresmedlemar i Hafslo sogelag:
| Kåre Alme, utnemnd til æresmedlem i Hafslo sogelag av årsmøtet i 2017 |
| Johannes Bremer Lomheim, utnemnd til æresmedlem i Hafslo sogelag av årsmøtet i 2019. |
| Olav Kjell Lomheim, utnemnd til æresmedlem i Hafslo sogelag av årsmøte i 2023. |
Årsmøte for driftsåret 2023, halde på Eikum hotell 14.februar 2024.
Leiar ynskte velkomen. Ei spesiell helsing til æresmedlemane Kåre Alme og Johannes Bremer Lomheim. Det var 44 interesserte tilstades på årsmøte.
Godkjenning av innkalling og sakliste. Kunngjering av årsmøte i Sogn Avis, sponsa av Eikum hotell, og ved oppslag og på FB innanfor fristen på 14 dagar.
Leiar vart vald til møteleiar, og sekretær vald til referent.
Harald Hess og Astrid Heggestad vart valde til å skriva under møteboka
Det var ikkje innmelde saker til årsmøte.
ÅRSMELDING 2024
Styremøter
Det er i arbeidsåret halde 6 styremøter, og handsama 41 bokførde saker. Styremøta er haldne på møterom i Hafslo Barne- og ungdomsskule. Takk til adm. på skulen, v/ Thea Aas Meisingseth, for tilrettelegging.
Siste styremøte før årsmøte, vart halde den 14.januar, saman med leiaren i valnemnda, Jon Ove Lomheim og alle gruppeleiarane. Tema var m a orientering/status frå valnemnda ved Jon Ove, og gjennomgang av årsmeldinagar m m.
Av saker som har vore handsama nemnast:
- Evaluering av årsmøte
- Orientering vedk. innsende søknader til kommunen, og gåve frå Banken
- Har henta stolar og diverse frå Luster vgs., som er under rehabilitering/ombygging. Dette er tenkt brukt på Fluga.
- Forslag om å melde laget ut frå Landslaget for lokalhistorie. Dette med bakgrunn nytte/kostnadsspørsmål
- Status på «Kvalenprosjektet» Viser til orientering frå nemnda vedkomande tilskot
- Svein har hatt 3 orienteringar på skulen til 5./6. og 7. klassingar om Buene før i tida. Etter orientering på skule, var det gjennomgang i Gata.
- Aud Marit har hatt tilsvarande om Veitastrond
- Per Jørgen har fortalt om Solvorn
- Sluttoppgjer for byggeprosjektet på Fluga, med mva-refusjon (kr 148.000,-) og tilbakebetaling til Kommunen på forskottering av spelemidlar (kr 293.000)
- Orientering frå gruppeleiarane på aktivitetar (sjå årsmeldingar).
- Johannes tok opp opplegg for skuleelevane, ang. aktivitetar sogelaget kan medverka i (laga potetkaker, seljefløyte, slåttedagen, grønsaker, gamle reiskapar m. m.
- Torodd Joranger gjekk bort 18.juni-24.
- Rekneskapsstatus v/Gerd
- Søknad om mva-refusjon til «Kulturen i Naturen» og Hafslo sogelag
- Asbjørn Kroken er tilsett av Kommunen som kordinator for utvandrarjubileet i 2025 (200-årsjubileum). Sogelaget er engasjert, og vil samordne markering med slåttedagen på Fluga. Evnt. aktivitet i Kvalen koordinerast med nemnda.
- 5/10 inviterte laget til auditoriet på Hafslo Barne- og ungdomsskule, der Aamund og Svein orienterte, m/bilder, om Buene før i tida. Godt frammøte (ca 60) og gode tilbakemeldingar på tiltaket. Gratis kaffi og kringle på Eikum hotell etter arrangementet.
- Midlertidig flytting av arkivet til Sogelaget, grunna ombygginga på Luster Vgs.skule.
- Arkivet er midlertidig flytta til Kommunen sitt lagerrom i Lustrabadet.
Aktivitetar i arbeidsåret 2024.
Gjeldande aktivitet på husmannsplassen Fluga, Stuaflåten, Modvo og Bygdebokarbeidet, vert det vist til eigne årsmeldingar frå nemndene.
«Kulturen i Naturen».
Hafslo sogelag, v/leiar, deltek på vegne av Sogelaga i Luster, i prosjektet : «Kulturen i Naturen». Dette prosjektet er eit samarbeid mellom dei lokale, frivillege organisasjonane: Hafslo sogelag (som representant for sogelaga i Luster), Folkeakademiet i Luster og Luster kommune.
I styringsgruppa er desse med: Mary Åsen (Folkeakademiet i Luster), Svein Solheim (Hafslo sogelag), Odd Atle Stegegjerde (Luster kommune) og Erling Bjørnetun (Luster kommune). Teknisk medarbeidar er Karl Stefan Åberg, som m a har produsert fleire filmar for omsorgstenesta i kommunen.
Målsettinga med prosjektet er å styrke kartleggingsarbeidet rundt tema som har lokalhistorisk verdi, og formidle kunnskap til fleire aldersgrupper. Det er lagt opp til filmproduksjon, med vekt på restaurering av verneverdige bygningar, eksv. Feigum mølle, idylliske perler med historie eksv. Solvornstrondi og strandsitjarmiljøet, bygging av spesielle vegar eksv. Engjadalsvegen i Gaupne m m.
Det er lagt opp til filmar på ca 35 minuttar, slik at dei er innanfor ein skuletime. Prosjektet har no ferdigstilt 12 filmar, som du kan finna på Kommunen si heimeside eller på YouTube. Filmane er:
- Engjadalsvegen, fjellvegen frå Gaupne til Engjadalen
- Feigum mølle, historia bakom denne bygdemølla under Feigefossen
- Breisete, buforing, stølsdrift
- Solvornstrondi, basert på historia om «strandsitjaren» i Solvorn
- Munthehuset, kunstnarsenteret i Ytre Kroken
- Wittgenstein i Skjolden, historia om filosofen Ludvik Wittgenstein
- Stølskultur
- Samferdsle i Luster
- Bustudl
- Brimkjelen
- Livet til Lustringar – før oss
Den siste filmen i prosjektet er: «Ønskjekvisten». Denne filmen er planlagd å vera klar i slutten av mars 2025
Økonomien i prosjektet:
Det er søkt om- og innvilga midlar frå:
- Luster kommune
- Luster sparebank
- Vestland fylkeskommune
- Digital Etikette AS
- Statkraft
- Luster Energiverk
- Eigenfinansiering med kontor og studioutstyr
Rekneskapsførar i prosjektet er kasseraren i Hafslo sogelag.
Forteljing / gjennomgang av gamle Hafslo sentrum.
Leiaren hadde ei fin oppleving på Hafslo Barne- og Ungdomsskule, då 5. klassen var samla i skulestova, og han fekk fortelja og syna bilder korleis det var ved Buene i «gamle dagar». Det var ein absolutt lydhøyr og interessert gjeng, med mange gode spørsmål. Etter orienteringa i klasserommet, gjekk me turen frå Fonkebakken og gjennom heile gata, med megafon, og tok oppatt det me hadde føre oss i klasserommet. Det var fleire enn 5.klassen som lurte på kva som gjekk føre seg i gata den dagen.
Husmannsplassen Kvalen.
«Kvalenprosjektet» er det store prosjektet til laget som vil krevje tid, midlar og arbeidsinnsats framover Det har vore jobba godt i nemnda for dette prosjektet, der Per Jørgen er leiar. Gjeldande status og vidare framdriftsplanar i «Kvalen-prosjektet», viser me til årsmelding frå nemnda.
Heimesida til Sogelaget.
Aamund Lomheim Bremer er ansvarleg for heimesida. Kor aktive me skal vera på denne sida, kjem an på oss sjølve /styre, og innspel frå medlemar og andre. Her er me opne for artiklar og bilete m m.
Elles ligg det ute generell informasjon om Laget og aktivitetar.
Aktivitetsplan 2025.
– Oppfølging og vidareføring av «Kvalenprosjektet» kva gjeld finansiering og praktisk arbeid
– Vidareføre og utvide samarbeidet med Hafslo Barne- og ungdomsskule
Takk for samarbeid:
Styret vil nytte høve å takke for god støtte gjennom året. Takk til Luster kommune for tilskotsmidlar og til Kulturavdelinga v/Erling Bjørnetun, og til ekstra hjelp frå Ole Morten Mjelstad med oppmåling.
Takk til Luster Sparebank for den årlege gåva, og for støtte til prosjektet «Kulturen i Naturen».
Takk til våre sponsorar med støtte til annonsering og gåver.
Takk for godt samarbeid i styret, og det viktige arbeidet som nemndene gjer i laget
Takk og til alle som har vore med på dugnad i byggeprosjektet på Fluga.
Du kan vera med å støtte Hafslo sogelag ved å bli medlem, vipps nr 547657, eller sjå heimesida vår.
Styret
Svein Solheim
-leiar-
Årsmelding for Flugenemnda 2024
Nemnda har hatt 4 møter – tillegg mange dugnadsdagar.
Medlemer i nemnda: Leiar Olav Grøteig, Liv Margrete Moen Eikeberg, Astrid Heggestad, Svein Øygard, Gerd Holen Lomheim Vara: Kari Beheim Karlsen, Helge Stølen, Sølve Lomheim
Ulike arbeidsoppgåver/aktivitetar som har vore gjort i 2024:
Slåttedag
Som tidlegare år var det svært vellukka i år og. Mange kom innom og stemninga var god. Været var ikkje heilt på vår side, men vi klarte å gjennomføre med litt fleksible løysingar. Sjølve arbeidet med slåtten gjekk fint, mange som deltok og bidrog i arbeidet. Hesteaktiviteten er populær og viktig å ha med og det gjer at barnefamiliar tek turen innom.
Når det gjeld økonomien i dette arrangementet gjekk det med eit lite underskot på kr. 477 – men det kan vi leve med.
Medlemane i nemnda er flinke til å stille opp, samt nokre andre frivillige (alltid lett å spørje om litt hjelp) – så gjennomføringa gjekk fint.
Skulebesøk av 3. klasse
No har skulen landa på eit opplegg for 3. klasse som ei gruppe som det er greitt å lage eit opplegg for, slik at dette er no blitt ein fin tradisjon og eit godt samarbeid med skulen.
I år var det besøk på skomakarverkstaden, i stallen og dei fekk prøve seg med ljå – som var svært populært. Besøket vart gjennomført av Kari Beheim Karlsen, Svein Solheim, Harald Hess og Gerd Holen Lomheim.
Grønsakhagen
Det er og blitt ein fin tradisjon og eit samarbeid med ungdomsskulen. Der har Harald Hess og Helge Stølen gjort ein god jobb i lag med skulen slik at elevane får sjå og prøve å så og hauste ulike grønsaker.
Besøk av dagsenteret ved Hafslo Omsorgssenter
Dette er noko vi vil prøve i få inn i årshjulet vårt som eit fast arrangementet. Dette var andre gang vi hadde eit slikt besøk. I tillegg kan vi kanskje trekke inn andre grupper og, t.d. eldre som bur heime eller i leilegheitene på Omsorgssenteret. I år var det Helge S. og Gerd H L som var vertskap og vi trur alle hadde ei fin stund der.
Arbeid som har vorte gjort denne sesongen
Informasjonstavle
Med Svein Ø som bas og fekk med seg Olav og Helge som flinke medhjelparar – vart det laga ei informasjonstavle ved innkøyringa til Fluga. Der er det meininga at vi skal få på plass informasjon om Fluga og oppslag når det er arrangementet.
Støyping av heller
Det var og planert og støypt ned heller framfor huset med god hjelp av Helge, Olav, Svein Ø , Odd Ø. , Lars Karlsen og Edin L.
Måling av vegg m.m.
Veggen opp mot tunet og dørene der var måla og det blei flott. Takk til Liv Margrete, Lars K., Helge og Olav for jobben, og Kari som kom med kaffi med noko attåt.
Hest utskoren i tre
Svein Øygard er ein mann med mange talent – han har laga den flotte hesten som er skåre ut i tre som prydar plassen framfor stallen. Den har mange lagt merke til og gjer eit løft for første inntrykket til stallen og Fluga. Så tusen takk til han.
Elles har nemnda jobba godt i lag – graset blir slått med gjennom heile sesongen, slik at garden ser innbydande ut og dei som går forbi kan evt. ta seg ein tur innom når dei vil.
Aktivitetsplan for 2025
Tiltak på hovedhuset:
- Vaske huset utvendig og deretter måle kledningen
- Montere takrenne – få tak i passende dimensjon som passer til huset.
- Listing av vindaugene i tunet.
- Kortveggen mot fjøset – der må to opningar tettast, før huset vert malt.
- Vårreingjering inne i huset, slik vi pleier å gjer kvart år.
- Taket i stova må vaskast – deretter målast – der treng vi innleid fagfolk til arbeidet.
- I tillegg må ein del vinduskarmar målast oppatt.
Stabburet:
- Dørene må ordnast – dei er ikkje lette å opna eller låse.
Informasjonstavla:
- Lage informasjon om Fluga – litt historikk og informasjon om garden.
Kjøkkenhagen:
- I samarbeid med ungdomsskulen så og legge til rette for grønnsaker som elevane kan stelle gjennom sesongen, før dei hauster avlinga.
Besøk på Fluga:
- Legge til rette for besøk av 3. klasse i lag med lærarane på barnesteget.
- Prøve å organisere fleire besøk av Dagssenteret på Omsorgssenteret og i tillegg besøk av heimebuande og dei som bur i leiligheter på Omsorgssenteret.
Slåttedag – 28. juni 2025
- Vi planlegger ein tradisjonell slåttedag slik vi gjer kvart år med slått, salg av rømmegraut og kaffi og kaker, hesteaktivitet.
Reperasjon av troe-hesi
- Den er eit blikkfang og skaper eit bilete av korleis garden såg ut – difor må vi prøve å halde den slik som no.
I tillegg slår vi graset rundt eigendomen når det er behov og gjer anna forfallande arbeid som evt. skulle bli behov for.
Årsmelding Stuaflåtringen 2024.
Styret dette året:
Ole Johnny Sie – leiar
Oddmund Sie- styremedlem
Edin Lingjerde – styremedlem
11. juni var det slåttedag. Det var 7 som møtte opp. Så me fekk slege mestedelen av bøen og hesja i hesi.
Har hatt 3 turar med tilsyn. Siste turen 1.desember, då var det var det frose og stor vassføring.
Elles har det vore lite besøk dette året.
For Stuaflåtringen,
Ole Johnny Sie.
Årsrapport – Kvalenprosjektet 2024
Styret i Hafslo sogelag vedtok i møte 07.06.22, sak 24/22 at dei ynskjer å restaurere og ta vare på husmannsplassen Kvalen i Luster kommune. På årsmøtet i Hafslo sogelag i 2023 vart det oppnemnd ei arbeidsgruppe på 5 som skal arbeide vidare med prosjektet:
Per Jørgen Loen- leiar
Aamund Bremer
Ole Inge Skagen
Arne Kvalen
Per Ove Loen
Gruppa har hatt fleire møte i 2024, der ein har planlagt framdrift og dugnadsarbeid m.m.
Prosjektet er delt i 3 delprosjekt:
- Delprosjekt 1 – Naustloftet 2023/2024
- Delprosjekt 2: Hovudhuset 2024/2025
- Delprosjekt 3: «Vetlastova»/kårhuset 2025/2026
Parallelt ville ein jobba med å få på plass ny utedo og å få restaurert kaien.
Ein valde naustloftet som delprosjekt 1, sidan det var eit relativt enkelt bygg å restaurere og mykje av arbeidet kunne utførast på dugnad. Når det no er ferdig vil ein ha ein plass å lagre utstyr og materialar under det vidare arbeidet, og ein vil ha ein egna kvileplass.
Målet med naustloftet er å få til utstilling med infoplakatar om historia til plassen. Naustloftet vil også bli «klasserom» for grupper på besøk.
Status for 2024:
Ein starta med ei synfaring i slutten av mars, og første dagane i april vart det hogge tømmer i Trondskogen på dugnad. Tømmeret vart gitt av grunneigarane der. Tømmeret vart flota inn til Kvalen og barka, dette var material til nye golv- og takbjelkar.
Noko tømme vart kjøpt hjå Per Ivar Lomheim, og dette vart skore som dugnadsarbeid på Sie-saga.
Den ferdigskorne materialen vart så transportert til Kvalen, det same med materialane til ytterkledning , som alt vart gitt gratis av privatpersonar.
I mai hadde vi 4 sherpaer frå Geirr Vetti på dugnad ein lang arbeidsdag. Dei mura opp ein fin uteplass ved sida av den restaurerte kaien. Her vil det bli lagt til rette for rasting og ein trygg grillplass for dei som ynskjer.
Den 1. juni var det stordugnad med 12 deltakarar. Naustloftet vart teken ned, og det som ikkje kunne nyttast til oppatt-bygging vart bore vekk. I tillegg vart det rydda rundt dei andre husa og i kaiområdet.
Oppatt-bygginga av naustloftet hovudsakeleg i juli månad, med innleigde snekkarar. Snekring av nye dørar og golvlegging vart gjennomført i løpet av hausten.
Luster kommune løyvde kr 13.000 til kulturformidling i 2024. Infotavler om husmannsplassen, skjelgraving, tobakksdyrking, steinindustri, sagbruk og kassefabrikk, og ei eiga tavle om historia til sjølve naustloftet er nærast ferdigskrivne. Dei vil bli trykte på «metallplater» Desse vil bli skrudde fast på veggen.
Ein har også fått laga 15 kassar etter mal frå dei eplekassane som vart produserte i Kvalen (20-kiilokassar). Kassane er solide og tenkt brukt til å sitje på når ein har grupper på besøk i «klasserommet».
Vidare har vi starta arbeidet med å skaffe diverse gjenstandar til utstilling på naustloftet.
Økonomi
Delprosjekt 1 hadde eit budsjett på kr 482.700 inklusiv verdien av dugnadsarbeid.
Hafslo sogelag fekk totalt tilsegn om kr 300.000 til prosjektet. Rekneskapen syner eit forbruk på nøyaktig 100.000. At ein har brukt så lite pengar på prosjektet skuldast ein formidabel dugnadsinnsats på ca. 650 timar, og at ein har fått veldig mykje av materialane frå private gjevarar.
Det betyr at vi har søkt om og fått innvilga overføring av totalt kr 200.000 til delprosjekt 2. Delprosjekt 2 har eit budsjett på totalt kr 1.225.700 inklusiv dugnadsinnsats. Dette prosjektet er no fullfinansiert.
Oppsummering:
Det som var sett opp i aktivitetsplanen for 2024 er i all hovudsak gjennomført, men noko etter dei planlagde tidsfristane.
I planen hadde vi ambisjonar om å starte med restaureringa av hovudhuset hausten 2024, men det vert no skyvd til våren 2025.
Prosjektet er fullfinansiert.
Aktivitetsplan 2025.
Januar:
Starte søknadsprosess om midlar til delprosjekt 3 – Vetlastove
Januar/februar:
Trykking av infoplakatar til naustloftet.
Mars:
Synfaring med Solvorn Laft og Bygg, planlegge materialinnkjøp og vurdere kva som kan gjerast på dugnad
April:
Få på plass vass-slange frå Kvalagjel.
Oppstart restaurering av hovudhuset
Planer og klargjere trygg grillplass ved kaien + sitjebenker
Få på plass info-plakatar til besøkande, m.a. brannfare m.m.
Mai:
Rydding av uteområdet.
Oppretting av grunnmur – sherpaer
Vidare arbeid med hovudhus
Juni:
Vidare arbeid med restaurering av hovudhus
September:
Ferdigstilling av arbeidet med hovudhuset.
Markering av «Utvandrarjubileet» i samband med Strandsitjardagane i
Arbeidsgruppa er veldig fornøgde med arbeidet som er utført både av dei innleigde snekkarane og dugnadsfolket. Dei og alle som har bidrege økonomisk til prosjektet- offentlege og private bidragsytarar- fortener stor takk!
Det er ein hugnad å jobbe med dette prosjektet når ein møter så mykje positivitet og velvilje!
For arbeidsgruppa
Per Jørgen Loen
leiar
Årsmelding 2024 – Bygdeboknemnda
Bygdeboknemnda har i 2024 vore samansett slik:
Per Jørgen Loen – leiar
Leif Johan Hamaren
Magnar Høyum
I 2017 vart Bygdebok for Luster – Band XI- Solvorn I – ferdigstilt og utgjeven. Det som står att før serien er fullført er Band XII – Solvorn II. Dette bandet skal omhandle 4 gardsnummer , 182 Kroken, 183 Urnes, 184 Kinserdal og 185 Åsen.
Lars Øyane som hadde ansvaret for ættesoga, var heldigvis ferdig med manuset for den før han døydde i 2022. Berre små oppdateringar stod att.
Terje Mikael Hasle Joranger har ansvaret for gards- og grendesoga, og å flette manuset saman med ættesoga. Han har også gjort dei siste oppdateringane av ættesoga.
Bygdeboknemnda har ikkje hatt fysiske møte i 2024, men Leif Johan Hamaren og Per Jørgen Loen har hatt mykje telefonkontakt med kvarandre. Vi har også hatt mykje kontakt med Terje Joranger på telefon, for å få på plass dei siste opplysningane.
Terje var også på synfaring på Ornes, der han i lag med Leif Hamaren fekk hjelp til å plassere husmannsplassar på kartet.
Etter planen skulle manus vore ferdig til 01.07.2024, men tidskjemaet heldt av ulike grunnar ikkje.
Det gledelege er at like før jul fekk vi tilsendt det ferdig fletta manuset og kart med referansar, frå Terje Joranger.
No står arbeidet til redaksjonsnemnda att, med korrekturlesing før boka kan sendast til trykkeriet.
Innan sommaren 2025 bør boka vera ferdig trykt og klar for sal. Det betyr også at bygdeboknemnda vil kunne takke for seg i 2025.
Solvorn 11. januar 2025
Per Jørgen Loen – leiar i nemnda
Årsmelding frå Modvanemnda
Medlemmar har vore:
Tor Bremer
Sverre Norheim
Odd Øygard
Nemnda har fortsatt brukt den gamle avtalen, som var gjeldande frå 2010-2013, som grunnlag for skjødselsarbeidet på Modvo. Dette var ein avtale mellom kommunen, fylket og grunneigar. Nemnda vil også i år minna om at det er ynskjeleg å få utarbeidd ein ny avtale.
Ein avtale som i større grad opnar opp for ei bedre tilrettelegging for besøkande . Dette gjeld både skilting fram til området og diverse fasilitetar. Til dømes har dei siste utgravingane funne spor etter menneskje som går 2000 år lenger tilbake, til bronsealderen. Dette bør dokumenteres og opplysast om på plansjene i området. Kanskje liknande plansjar også skulle vore på plass ved Sogn skisenter?
Også denne sommaren var geitene fråverande i skøtselarbeidet. Det viser seg at det er krevjande å skaffe geiter til beitinga. Det har delvis vore skulda restriksjoner i høve fare for spredning av dyresjukdomar. Nemnda vil i tillegg oppmode styret til å sjå på om det er mogleg å auke løyvinga til innleige av dyr. Det vil truleg hjelpe på.
Men gjerdet vart ettersett og forsterka, naudsynt rydding av vegetasjon vart utført før diverse sauer sporadisk inntok området gjennom sommaren.
For Modvanemnda
Tor Bremer
